ARABIKA

قراءة نقدية فتوندونس المغربي هذا الاسبوع

آخر تحديث : الثلاثاء 27 فبراير 2018 - 10:58 مساءً
2018-02-27T22:58:59+00:00
2018-02-27T22:58:59+00:00
عادل زوبير

متابعي زاوية كولوباز كيف ما تعودتم معي فهاد العمود كل مرة أشارككم موضوع أزعجني وطلّع لي القردة للسطح وكنبدا فلكلاش، بلغة الشعب أي بالدارجة المغربية .. اليوم صراحة ما لقيت شكون نكلاشي وفيمن نشد لأن هاد الموضوع فعلا أزعجني وعصبني لكن بعد البحث لقيت السبب اللي يفش لي قلبي ويبرد جنوني.

موضوع هو الجديد ديال ملك الراب المغربي مسلم، كيفما تابعتوا فاميغو24 أو يوتوب هاذ الاسبوع، مسلم طلق مورسو جديد بطريقة الفيديو كليب بعنوان أجي معي اللي حقق أزيد من 100.000 مشاهدة فالساعات الأولى فقط، واللي واصل لحد الان أكثر من جوج مليون، هاذ الأرقام خلات مجموعة من متابعي الويب المغربي ومحبي الرابور مسلم يتساؤلون كيفاش ما طلعش فنوتدونس المغربي، نفس السؤال طرحتو على راسي وقمت بعملية بحث خفيفة لمعرفة السبب حتى لقيتو وجبتو لكم.

الجمهور ومحبي مسلم ماشي فقط من المغرب بل حتى من الدول العربية الشقيقة بحال الجزائر و تونس ومصر والاردن وغيرها يعني الفيديو كليب تشاف فالعديد من البلدان العربية، وسياسة يوتوب فتوندونس باش طلع الفيديو فيه لازم يكون أزيد من 50 فالمائة من المشاهدات من نفس البلد يعني خاص يكون الأغلبية اللي تفرج فالفيديو يكونو مغاربة وهذا هو السبب اللي خلا المورسو ديال أجي معي لمسلم ما يبانش.

اه قبل ما ننسى لهدوك اللي حطّين ديسلايك لأجي معي كنقول لهم را ماشي من تما كيطيليشارجا الفيديو .. أنا بعد والله ما تفهمات لي ديك 1000 ديسلايك شنو اللي ما عجبهومش فالكليب؟؟ فقط ان كانو ماشي من عشاق الراب!! وان كان كذلك علاش فتحوا أصلا الفيديو، المهم لله في خلقه شؤون.

وبالعودة للجديد ديال مسلم أنا كيبان لي أنه فهاد الكليب طلّع النيفو بالمزيان ورجع لأيام ديال التمرد من حيث قوة الكلمات، وكذلك لكليب تخدم مزيان وباحترافية، ومن وجهة نظري كان خاصو يتربع على عرش اليوتوب لأن الأغلبية الفنانة اللي نزلوا بالجديد ديالهوم كان عادي جدا ما يوصلش لدرجة البوز ما عدى الشاب يونس – I Love You و سلمى رشيد – اش جا يدير اللي حققوا التميز وقدمو شي حاجة فالمستوى المطلوب لجمهورهم.

أما خطير – لأدرينالين وحاتم عمور و دارتها بيا لتيوتيو وكرافاطا هادو كيشيرو المشاهدات وكيديرو حتى سبونسورينغ للفيديو يعني نسبة المشاهدة ديالهوم غير حقيقية بالأدلة القاطعة سأعود لها في مقال اخر، وبالنسبة للفنانة اللي قدمو عمل رائع ويستحق يحقق النجاح أكثر هما سعيدة فكري – أنا الحرة  و  H-Name – L’Overdose  هاذو أنا كنشوف أنا عملهم تظلم بزاف ومخداش حقو أما الباقي غير تخربيق وعفن ماشي فن.

اليكم ترتيب لاخر الكليبات المغربية من وجهة نظري:

  1. مسلم – أجي معي
  2. يونس – I love You
  3. سلمى رشيد – اش جا يدير
  4. H-Name – L’Overdose
  5. سعيدة فكري – أنا الحرة
  6. زهير البهاوي – ديزولي
  7. زكرياء الغافولي – حبينو
  8. حنان أمجد – هربانة
  9. حاتم عمور & أدرينالين – خطير
  10. تيوتيو و كرفاطا – دارتها بيا